Gjumi i drekës, është një zakon që shumë njerëz e praktikojnë për të rikuperuar energjinë gjatë ditës. Por a është i shëndetshëm?
Sipas ekspertëve, një dremitje e shkurtër prej 15 deri në 30 minuta mund të ndihmojë në përmirësimin e përqendrimit, kujtesës dhe gjendjes shpirtërore. Ajo shërben si një “rifreskim” i trurit dhe rrit produktivitetin gjatë pasdites.
Megjithatë, mjekët paralajmërojnë se gjumi i gjatë në mesditë, mbi një orë, mund të shkaktojë çrregullim të ciklit të gjumit të natës, duke sjellë pagjumësi ose lodhje të shtuar. Po ashtu, personat që vuajnë nga probleme me tensionin apo sëmundjet e zemrës duhet të konsultohen me mjekun, pasi gjumi i zgjatur në drekë mund të ndikojë negativisht.
Pra, një gjumë i shkurtër pasdite mund të jetë i dobishëm, por gjithçka varet nga koha dhe mënyra. Çelësi është të mos e teproni: 20 minuta mjaftojnë për ta bërë trupin dhe mendjen më aktivë, pa prishur gjumin e natës./E.P-dritare.net
