Kumbaro: Djegia e Notre Dame, dramë historike për kulturën

E ftuar në emisionin "Dritare me Rudinën", ish-ministrja e Kulturës, Mirela Kumbaro e cilëson një dramë historike për kulturën mbarë botërore djegien e katedrales së stilit gotik Notre Damë në Paris. Kumbaro u shpreh se është e pamundur të ketë njerëz në botë që s’kishin dëgjuar për të, pasi mjafton të lexosh Hygonë për ta përfytyruar.

“Mjafton të kesh lexuar Hygonë dhe s’ka nevojë të kesh patjetër një foto përpara katedrales. Është një moment që na hidhëron të gjithëve. Franca po përjeton një dramë historike për kulturën. Megjithatë po na tregon se i ka lënë mënjanë konfliktet dhe ka filluar solidaritetin që nga 500 zjarrfikësit e deri tek miliarderët që po kontribuojnë.",- tha Kumbaro./K.C/dritare.net