Kreshnik Spahiu nxjerr foton kur Borchard merrte pjesë në fushatë të PD
SHKRUAR MË 19 Nëntor 2019
Dritare.net
Presidenti i vendit Ilir Meta e ka shpallur "Non Grata" Ambasadorin e Prezencës së OSBE në vendin tonë Bernd Borchard me arsyetimin se ai ka vënë në diskutim dekretet e Presidentit dhe se ka ofenduar shqiptarët duke u drejtuar gishtin.
Ish-kreu i Aleancës Kuq e Zi, Kreshnik Spahiu, ka publikuar një fotot të shkrepur gjatë fushatës elektorale të vitit 2009.
Në foto shihet Borchard, aso kohe Ambasador i Gjermanisë në vendin tonë, teksa merrte pjesë në fushatën e PD.
Postimi i Spahiut:
KUJTESË: Për ata që s’kanë shumë informacion ose bëjnë sikur harrojnë. Bernd Borchard ka qenë ambasador i Gjermanisë në Shqipëri nga 2007-2010 si dhe një nga avokatët më të fortë të qeverisjes Berisha. Kjo foto u komentua gjatë në 2009 si shkelje diplomatike në fushatë elektorale duke u pozicionuar pro Partisë Demokratike dhe kundër PS.
Dërgojani Berishës për kujtesë se e ka zakon mos-mirëmjohejen!/ I.M-Dritare.net
