Kolegët e gazetares që vdiq në aksident, i sulen TV Klan: Ishte me familjen, jo me dashnorin

Gazetarja e Tv Klan, Erinolda Isufaj, humbi jetën ditën e shtunë në një aksident, në fshatin Çiflig, Lushnje. Një pllakë mermeri u shkëput nga kamioni në ecje, duke i rënë sipër makinës në të cilën ndodhej gazetarja me të fejuarin dhe prindërit. Lajmi është dhënë i thjeshtë nga Tv Klan, duke sjellë reagime të ashpëra nga shumë kolegë të gazetares. Ata e e kanë akuzuar këtë televizion se fshehu ngjarjen.

“Në këtë aksident vdiq tragjikisht Erinolda Isufaj. Gazetare e TV Klan. Por televizioni ku ajo punonte e dha lajmin krejt thatë dje. Si një lajm të zakonshëm. Asnjë fjalë lamtumire për kolegen e tyre. Ajo vdiq tragjikisht kur në timon ishte i fejuari i saj. Pasagjer ishin prindërit e saj. Nuk qe me dashnorin që të fshihej ngjarja. Lamtumirë kolege ndonëse nuk të njihja nga afër!!”, shkruan kolegia e saj në Facebook./L.P./Dritare.net