Syri i Kaltër në Sarandë është një ndër mrekullitë e natyrës shqiptare.
I shpallur si monument kulture, kjo pamje mahnitëse ka marrë veçanërisht vëmendjen e të turistëve të huaj, të cilët vitet e fundit janë shtuar shumë.
Kjo verë, sidomos për italianët e polakët ka qenë një destinacioni i preferuar. Ajo që e bën kaq të veçantë këtë vend, është pamja e veçantë, në mes të një pylli mbushur me gjelbërim.
Edhe pse infrastruktura nuk është fort e mirë, ja vlen të sakrifikosh pak për të parë këtë mrekulli që ka formën e një syri, me ngjyra blu dhe jeshile.
Uji i kristaltë është i ëmbël dhe shumë i ftohtë.
Pak shqiptarë mund të shohësh të lahen aty, përveç turistëve të huaj që duket sikur nuk e kanë aspak problem.
Buzë rrugës Gjirokastër-Sarandë, është një tabelë orientuese që të drejton për syri i kaltër.
Nga rruga kryesore duhen 20 minuta për të mbërritur.
Turistët shprehen se kjo është një ndër pamjet më të rralla që u kanë zënë sytë. Hyrja kushton vetëm 50 lekë të reja për person.
Natyra, gjelbërimi, aroma e pemëve të larta përreth po e kthejnë këtë vend në destinacionin e preferuar të turistëve të huaj./L.f-dritare.net
