Për dorëheqjen e kryeministrit të Kosovës, Ramush Haradinaj ka reaguar edhe lideri i opozitës, Lulzim Basha. Përmes disa postimesh në Twitter, Basha shprehet se, dorëheqja e Haradinajt është akti i një njeriu që vë Atdheun mbi gjithçka.
“Dorëheqja e kryeministrit Ramush Haradinaj është akti i një njeriu që ve Atdheun mbi gjithçka. Ramushi i ka shërbyer gjithmonë me vetëmohim Kosovës, në ditë të mira dhe në ditë të këqija. Ramush Haradinaj është Kosova – Kosova e lirë, Kosova e pavarur, Kosova europiane. Askush dhe asgjë nuk e përdhos dot luftën çlirimtare të Kosovës dhe sakrificën sublime të familjes Haradinaj në altarin e lirisë!”,– shkruan Basha./K.C/dritare.net
