Foto/ Skënderbeu prezanton talentin e ri korçar

Në stërvitjen e sotme të zhvilluar në kuadër të ndeshjes së nesërme ndaj Luftëtarit, është bashkuar edhe djali i mbrojtësit, Kristi Vangjeli. Denisi ka përfituar nga seanca e stome e trajnimit për t’u argëtuar paksa me shokët e ekipit të babait të tij. Klubi korçar ka publikuar disa foto të djaloshit të vogël ndërsa luan me top mes futbollistëve.

“Denisi i vogël nuk ka ndërmend t’i ndahet babait dhe në stërvitje. I meriton Vangjeli Junior disa minuta. Të duam Skënderbe” – shkruhet në profilin zyrtar të kampionëve të Superligës karshi fotove të postuara.

Pasi ka siguruar titullin e tetë në historinë e klubit, Skënderbeu kërkon që të ngrejë këtë sezon edhe Kupën, por për këtë trofe duhet të mundë në finalen e 27 majit, dy herë fituesen e këtij kompeticioni, Laçin. /D.m-dritare.net