Foto/ Dhunohet gazetarja Arbana Xharra, përfundon në spital

Gazetarja Arbana Xharra, e cila së fundi është bërë pjesë e Partisë Demokratike të Kosovës, është sulmuar rreth orës 1 pasmesnatës, në një parking në Prishtinë. Ngjarja ka ndodhur  pas kthimit të Xharrës nga Tirana, ku ishte ftuar në emisionin “Oktapod” të Turjan Hyskajt në Vizion Plus. Ajo u dërgua menjëherë në spital nga familjarët dhe pas marrjes së mjekimit, ka shkuar në banesën e saj, ku gjendje e saj shëndetësore për momentin është e qëndrueshme.

Pas aderimit të saj në PDK, Xharra ka qenë vazhdimisht cak i militantëve të partisë Vetëvendosje m’u për shkak të aderimit të saj në PDK, të cilët nuk kanë kursyer edhe fyerjet verbale ndaj saj. Ish kryeredaktorja e gazetës “Zëri” edhe më parë ka qenë e kërcënuar, sidomos prej elementeve të islamit radikal. Megjithatë, motivet për këtë sulm ndaj Xharrës ende mbeten të paqarta.