Një shtetas 34-vjeçar shqiptar që vuante dënimin për trafik droge është arratisur nga burgu i Trapanit në Siçili mesditën sotme.
I arratisuri është Lekë Luca, 34-vjeç, i cili u largua duke kapërcyer murin rrethues të burgut San Giuliano rreth orës 15:00 kur përfundonte orari i ajrimit.
Patrullat e policisë u vunë në lëvizje pasi kuptuan se Luca mungonte, por nuk e kanë gjetur duke dyshuar se 34-vjeçari është pritur jashtë burgut nga një makinë.
Kjo është e dyta herë që Luca arratiset nga ambientet e burgut, ndërkohë akti i tij është cilësuar si spektakolar dhe akrobatik.
34-vjeçari Luca në vitin 2017 ishte arratisur nga burgu i Civitavecchia bashkë me një shtetas tjetër./e.k-Drtiare.net
