Bora dhe ngricat/ ARRSH: Ja gjendja e rrugëve në vend!

Autoriteti Rrugor Shqiptar, përmes një njoftimi për media, ka informuar mbi gjendjen e rrugëve, në vend.

ARRSH njofton se në segmentin “Kuben-Vasije” ka pasur reshje bore 4-5 cm, shoqëruar me erë të fortë në formë cikloni. Përsa i përket rajonit qendror dhe jugor, qarkullimi është pa probleme.

"Njoftim për medien dhe opinionin publik mbi gjendjen e akseve kryesore në vend

Rajoni Verior

Gjatë natës problem kanë qenë temperaturat e ulëta dhe era e fortë.

Ne segmentin “Kuben-Vasije” ka pasur reshje bore 4-5 cm, shoqëruar me erë të fortë në formë cikloni.

Qarkullimi realizohet normalisht dhe pa zinxhirë në të gjitha akset e rajonit verior.

Rajoni Qendror

Në të gjitha akset e Rajonit Qendror qarkullimi kryhet normalisht.

Vazhdon puna për spërkatjen me kripë në vendet ku ka akull e ngrica.

Rajoni Jugor

Në akset rrugore të Rajonit Jugor qarkullimi kryhet normalisht.

Nuk ka pasur reshje gjatë natës. Temperatura deri në -7 ° në disa zona, si: Dardha dhe Qafa e Qarrit ku ka pasur dhe erë të fortë.

Është punuar me kriposjen e akseve.

Të gjithë kontraktorët janë në gatishmëri për përballimin e çdo situate.

Vijon puna për pastrimin e akseve dhe kriposjen, në vendet ku ka ngrica dhe akull nga temperaturat e ulëta", thuhet në njoftimin e ARRSH./E.B-dritare.net