Bashkia e Devollit është rrethuar me forca të shumta policie që prej orëve të para të mëngjesit, dhe situata vijon ende të jetë e tensionuar.
Kryebashkiaku i ri, Edmond Duro ka mbërritur herët në zyrë dhe tha se brenda e janë futur dhe një pjesë e punonjësve të bashkisë. Ai gjithashtu ka deklaruar se vetë e ka thirrur policinë, pas informacioneve se do të kishte protestë nga opozitarët.
Para Bashkisë Devoll, janë mbledhur mbështetësit e opozitës dhe ish-kryebashkiaku Bledion Nallbati, të cilët protestojnë kundër kryebashkiakut të ri, duke thënë se ai nuk është zgjedhur me garë./E.B-dritare.net
