Ikballe Berisha – Huduti, është konsideruar si përfaqësuesja e shiitëve në Kosovë, ndërsa pas vrasjes së Kasem Sulejmanit, ajo e ka quajtur Amerikën, kriminale, dhe ka shprehur mbështetje për gjeneralin.
Pas këtyre veprimeve, policia e Kosovës ka arrestuar Ikballe Berisha – Huduti .
Zëdhënësi i Policisë së Kosovës, Daut Hoxha, ka thënë për Telegrafin se arrestimin e Berisha-Hudutit e ka bërë Drejtoria Kundër Terrorizmit në Policinë e Kosovës.
“Më datë 07.01.2020, Drejtoria Kundër Terrorizmit ne Policinë e Kosovës, në bashkëpunim me PSRK-në dhe në bazë të urdhëresës nga organet kompetente te drejtësisë ka kryer bastisje ne lokacionin e të dyshuarës. E dyshuara është sjell për intervistim në Polici dhe me urdhër te prokurorit nga Prokuroria Speciale është dërguar në mbajtje për 48 (dyzet e tetë) orë, deri në vendim tjetër nga Gjykata kompetente”, konfirmoi Hoxha.
“Hakmarrja pritet. Një zinxhir veprimesh dhe hakmarrjeje mund të sjellë afrimin e të dy vendeve në një konfrontim të drejtpërdrejtë. E ardhmja e Uashingtonit në Irak mund të vihet në dyshim. Dhe strategjia e Presidentit Trump për rajonin – nëse ka një – do të testohet si kurrë më parë. Philip Gordon, i cili ishte koordinator i Shtëpisë së Bardhë për Lindjen e Mesme dhe Gjirin Persik në administratën e Obamës, e përshkroi vrasjen si pak më shumë se një ‘deklaratë lufte’ nga amerikanët kundër Iranit”, shkruante Berisha-Huduti, duke cituar BBC-në në rrjetet sociale.
Huduti-Berisha është themeluese e një fondacioni fetar ndërsa është parë disa herë në Teheran, dhe pranë udhëheqësve të shtetit islamik./ I.M-Dritare.net
