Andy Burnham bën betimin si deputet, pritet me ovacione në Parlamentin Britanik
Monday 22 June 2026, 16:04
Dritare.net
Andy Burnham është pritur me duartrokitje dhe brohoritje të forta nga radhët e deputetëve të Partisë Laburiste teksa hyri në sallën e mbushur të Parlamentit britanik për të bërë betimin si deputet i ri.
Ai bëri betimin pas deputetes së re të Partisë Kombëtare Skoceze, Lara Bird, dhe deputetit të ri të Partisë Konservatore, Douglas Lumsden.
Gjatë kalimit nëpër sallë, Burnham e përuli kokën disa herë në shenjë respekti, ndërsa buzëqeshi teksa përshëndetej nga kolegët e tij laburistë, të cilët e pritën me entuziazëm.
Pas ceremonisë së betimit, Burnham pati një bisedë miqësore me kryetarin e Parlamentit britanik, Lindsay Hoyle, duke zyrtarizuar kështu marrjen e mandatit si deputet që përfaqëson zonën zgjedhore të Makerfield./dritare.net
