Ambasada e SHBA-ve në Tiranë, përmes një postimi në Facebook, shkruan se Amerika vazhdon të mbështesë Shqipërinë për rimëkëmbjen pas tërmetit të 26 nëntorit.
Në Shqipëri ndodhet ende ekipi i Zyrës për Ndihmë të Jashtme në raste Fatkeqësish e USAID, që po ndihmon me koordinimin e vlerësimit të dëmeve.
“Qeveria e Shteteve të Bashkuara vijon të mbështesë përpjekjet për rimëkëmbjen pas tërmetit të 26 nëntorit që goditi Shqipërinë. Ekipi i Zyrës për Ndihmë të Jashtme në raste Fatkeqësish e USAID po ndihmon me koordinimin e vlerësimit të dëmeve, së bashku me menaxherët shqiptarë dhe ndërkombëtarë të emergjencave. Ata po punojnë për të përshpejtuar dhënien e ndihmës aty ku ka më shumë nevojë dhe për t’u siguruar që ekipet të shpërndahen në mënyrë efikase për vlerësimin e dëmeve pas tërmetit. #ShbaQendronKrahShqiperise”, shkruan Ambasada./E.B-dritare.net
Gepostet von U.S. Embassy-Tirana am Donnerstag, 5. Dezember 2019
