Rikthehet automotive Fair Albania, Rama: Do të bëjë bashkë koleksionistët për 3 ditë në Tiranë!
E Mërkurë 11 Tetor 2023, 08:08
Dritare.net
Kryeministri Edi Rama në ‘Facebook’ njofton se është rikthyer edicioni i dytë i Automotive Fair Albania, eventi më i madh i pasionit automotiv.
Rama shkruan se ky event do të bëjë bashkë prodhues e koleksionistë të industrisë së automobilizmit, në datat 26-29 tetor në Pallatin e Kongreseve dhe dy zona të tjera të Tiranës.
“MIRËMËNGJES dhe me rikthimin e edicionit të dytë, të Automotive Fair Albania, eventit më të madh të pasionit automotiv, duke bërë bashkë prodhues e koleksionistë të industrisë se automobilizmit, në datat 26-29 tetor në Pallatin e Kongreseve, "Sheshi Italia" e "Nënë Tereza", ju uroj një ditë të bukur”, shkruan Rama./M.K-dritare.net
