300 pyetje nga Rudina Xhunga. Edi Rama në një intervistë maratonë
Sunday 6 September 2026, 09:09
Dritare.net
Kryeministri Edi Rama do të jetë përballë gazetares Rudina Xhunga në një intervistë maratonë, një nga më të gjatat e realizuara ndonjëherë me të.
Intervista vjen si një bashkëpunim mes podkastit “Flasim” të kryeministrit Rama dhe emisionit “Shqip” të Rudina Xhungës në DritareTV. Këtë herë rolet përmbysen: në studion e podkastit, nuk është Edi Rama ai që drejton bisedën, por Rudina Xhunga, e cila e vendos përballë rreth 300 pyetjeve.
Për më shumë se katër orë, kryeministri i përgjigjet gjithçkaje, pa lënë mënjanë as temat më të debatueshme: nga Trump te Meloni, nga Vuçiç te Thaçi, nga Erdogan te Netanjahu, nga Veliaj te Balluku, nga Ahmetaj te Agasi, nga Sazani te Zvërneci dhe sigurisht flet gjatë për Revolucionin e Flamingove. Nga modeli ekonomik dhe rishpërndarja e pasurisë, nga gabimet te mesimet, nga i riu që ishte te kryeministri që është. Nga dita e parë në pushtet, te dita kur do të largohet.
Një bisedë e gjatë, e drejtpërdrejtë dhe pa tema të ndaluara.
Intervista e plotë do të publikohet së shpejti në “Flasim” dhe DritareTV./ dritare.net
