10 ditët më të tmerrshme për Alvin Berishën/ Ja çfarë ndodhi në Siri!
E Premte 22 Nëntor 2019, 14:02
Dritare.net
Gazetari shqiptar bashkëpunëtor i Le Iene Taulant Kopliku, i cili mundësoi takimin mes babait dhe Alvin Berishës, i cili për 5-vjet qëndroi në kampet e Sirisë, rrëfen për ‘Neës24’ se për ditë me radhë është ushqyer vetëm me fije bari. Këtë detaj ia ka treguar babait të Alvinit, një grua nga Kosova e cila kishte marrë 11-vjeçarin pas bombardimit ku humbi jetën nëna e tij.
“Ato 10 ditë kanë qenë ditë të tmerrshme për atë fëmijë, pasi ishte i plagosur. Kishte rrjedhje gjaku. Janë transportuar në disa zona ku ka pasur stane bagëtish. Janë ushqyer me gjethe dhe bar për 10 ditë me radhë. Gjëja që i ka thënë ajo grua ishte se; ‘ky fëmijë nuk është ankuar kurrë’. Ai ishte i vendosur që të vazhdojnë rrugën me ta”, tha Taulant Kopliku.
Alvin Berisha, fatmirësisht ia doli që pas 5-vjetësh qëndrim në kampet e Sirisë, ku ishte dërguar nga nëna e tij, të kthehet në shtëpi, për t'u bashkuar me pjesën tjetër të familjes./L.F-dritare.net
