Xhensila Myrtezaj në muajin e 8 të shtatzënisë duet me Pirro Çakon
E Enjte 10 Maj 2018, 20:08
Dritare.net
Në drejtimin e regjisores, Vera Grabocka, njëkohësisht edhe gjysmës më të mirë të Fllokos, kjo mbrëmje nuk ishte si spektaklet që realizon regjisorja…kjo mbrëmje ishte shumë më shumë. Të gjithë të ftuarit që dolën në skenë, ndanë me të tjerët kujtime profesionale, por edhe personale që kishin me aktorin. Disa recituan poezitë e librit (arsyeja përse ishin mbledhur), disa të tjerë luajtën në piano meloditë e filmave ku ka interpretuar Flloko.
Ndërsa disa të tjerë kënduan vargjet e shkruara nga Timo Flloko. “Për një çast më ndali zemra”, kjo këngë që edhe pse ka 20 vite që është realizuar, sërish mbetet në memorien e të gjithëve, si një nga këngët me tekst të paharrueshëm…dedikim për dashurinë. Këtë këngë Flloko, siç tregon Pirro Çako e ka shkruar, në Paris. Çako e këndoi me Rovena Dilon në Këngën Magjike, por shumë artistë të tjerë e kanë rikënduar këtë duet të paharrueshëm, që Timo ia ka lënë dhuratë të vyer muzikës shqiptare. Mbrëmjen e kaluar, kantautori i njohur Pirro Çako, pasi tha dy fjalë për artistin e madh, Timo Flloko këndoi këtë hit të pakohë, së bashku me një nga zërat më të bukur të muzikës pop, Xhensila Myrtezaj.
Edhe pse në pritje të ëmbël, Xhensila, u shpreh se vetëm “Vera Grabocka dhe Timo Flloko”,mund ta bënin të shkonte në një mbrëmje në muajin e tetë të shtatzënisë.
E bukur, shtatzënë, por me një zë kaq të ëmbël, së bashku me Pirro Çakon, ajo solli “Për një çast më ndali zemra”, për të gjithë të ftuarit, që e shijuan në maksimum këtë duet. Emocion i vërtetë…/ I.M-RevistaClass
