Vlorë/ Shkoi në polici dhe gënjeu se i kishin vjedhur makinën luksoze, ja si e pëson 29-vjeçari nga Kosova!

Pak ditë më parë, një 29-vjeçar nga Kosova, i cili kishte shkuar me pushime në Vlorë,  kallëzoi në polici se i kishin vjedhur makinën 180 mijë euroshe “Mercedes Benz S Class 63 AMG”. Por policia ka njoftuar sot se, 29-vjeçari ka bërë kallëzim të rremë para organeve të policisë për arsye se në bashkëpunim me dy persona të tjerë kanë dashur ta shesin automjetin në fjalë për qëllime përfitimi. Policia e ka vënë në pranga 29-vjeçarin dhe ka shpallur në kërkim dy shokët e tij.

“Inskenojnë vjedhjen e një automjeti të shtrenjtë me qëllim shitjen e tij, Policia vë në pranga një shtetas dhe shpall në kërkim dy të tjerë.

Në vijim të ngjarjes ku më datë 31.10.2019, shtetasi G.H, i cili ndodhej prej disa ditësh me pushime në Vlorë, kallëzoi se i kishin vjedhur automjetin tip “Mercedes Benz S Class 63 AMG”, menjëherë filluan hetimet për zbardhjen e ngjarjes.

Nga hetimet e kryera, Specialistët e Seksionit për Hetimin e Krimeve bënë zbardhjen e plotë të ngjarjes, ku ka rezultuar se shtetasi G.H ka bërë kallëzim të rremë para organeve të policisë për arsye se në bashkëpunim me dy shtetas të tjerë kanë dashur ta shesin automjetin në fjalë për qëllime përfitimi.

“Mercedes Benz S Class 63 AMG” i vitprodhimit 2019, shtetasi G.H., e kishte blerë në Gjermani me këste nga një kompani.
Ky automjet kap vlerën 180 000 €uro (njëqind e tetëdhjetë mijë euro) nëse do të shitej sipas planit të bashkëpunëtorëve të mësipërm.

Në përfundim të veprimeve, u bë ndalimi i shtetasit G.H., 29 vjeç, nga Kosova por me banim në Gjermani, si dhe u shpallën në kërkim dy shtetasit e tjerë, italiani M.C dhe tjetri nga Kosova F.H.

Materialet iu referuan Prokurorisë në ngarkim të tyre për veprat penale “Vjedhja” e kryer në bashkëpunim dhe “Kallëzimi i rremë”.“,- njofton policia./K.C/dritare.net

LEXO DHE :  Zjarr në një fabrikë, vdesin 40 punëtorë në Delhi

 

Për t’u bërë pjesë e grupit "Dritare.net" mjafton të klikoni: JOIN GROUP

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.