Në orën 11:00 të kësaj të shtunë pritet të nisë protesta e opozitës, para Kryeministrisë. Ndërkohë, policia ka nisur të rrethojë Kryeministrinë. Pritet që rreth 1600 efektivë të angazhohen në terren.
Ndryshe nga protestat e tjera të opozitës, këtë herë Kryeministria është rrethuar me kordonë hekuri.
Nuk kanë munguar as maskat kundra gaz, që do t’i vendosin policët, në rast se krijohet ndonjë tension në protestë.
Pas thyerjes së derës së Kryeministrisë nga protestuesit në protestën e 16 shkurtit, këtë herë dyert e ndërtesës janë salduar me llamarina.
Kamionët me ujë kanë hyrë në Kryeministri, e disa të tjerë po qëndrojnë jashtë./K.C/dritare.net
