“Nga verifikimet në sistemin TIMS portal të sallës së komandimit në Drejtorinë Vendore të Policisë Tiranë, e cila mbledh edhe gjithë informacionin bazë nga telefonatat e ardhura nga qytetarët në numrin 112, informacioni më i fundit nga ana e Policisë i është ardhur në ndihmë 2300 qytetarëve”-tha Kuko në “Report tv”
“Lidhur me rrethin e Tiranës janë evidentuar 512 banesa, 59 njoftime për pallate, 18 lokale dhe një magazinë. Për qytetin e Kavajës kemi 75 njoftime, të cilat kanë qenë banesa, 5 pallate, një magazinë dhe një shkollë në Rrogozhinë. Në total kemi 672 objekte të deklaruara si të dëmtuara, lidhur me klasifikimin e dëmit të tyre kjo ngelet për t’u vlerësuar në një proces tjetër nga ekipet e vlerësimet”, – nënvizoi Kuko. në qendra shëndetësore dhe spitale kanë shkuar gjithsej 90 qytetarë, ku në spitalin e Traumës në Tiranë kanë shkuar 78 qytetarë, nga të cilët 70 janë mjekuar e 2 ndodhen duke u mjekuar dhe 6 të tjerë janë shtruar për të marrë mjekim”.-tha Kuko./ I.M-Dritare.net
