Kontakto redaksinë English
Na ndiqni edhe në
Na ndiqni në YouTube, në kanalin zyrtar të Dritare TV!

Ora e Gallatës

Tërbohet Erdogan, i telefonon Ramës për marrëveshjen e detit

E Martë 30 Janar 2018, 21:09

Dritare.net

Tërbohet Erdogan, i telefonon Ramës për marrëveshjen e detit
Njohja nga ana e Shqipërisë të së drejtës greke për 12 milje ujëra territoriale, i shkakton probleme Turqisë pasi kthehet në një precedent që mund të shfrytëzohet nga Greqia në Gjykatën Ndërkombëtare.

Turqia i njeh vetëm 6 milje të drejtë ujërash territoriale në pjesën ku ishujt grekë shohin Turqinë. Greqia e ka shtyrë deri në 10 milje, çka nuk njihet as nga shtetet e tjera. Por precedenti shqiptar trazon ujërat. Kur mësoi për këtë lajm Erdogan telefonoi kryeministrin Rama. Ja biseda e tyre e tensionuar:

Rama: Merhaba kardhash. Si të kam? Më bëhet qejfi që të dëgjova.

Erdogan: Leri këto me mua se nuk jam Mogherini. Çfarë ishte ajo marrëveshja që njihje 12 milje hapësirën detare greke? E di ti që kjo na prek ne?

Rama: Ça thu mor burrë? Po pse kështu?

Erdogan: Ore i i lexon letrat që të sjellin apo jo?

Rama: Me thënë të drejtën, jo. Vetëm i pikturoj dhe hap ekspozita me ato? Ja po kontrolloj një herë mos i kam nëpër mure!

Erdogan: Mos është nga pikturat që janë shitur?

Rama: Pa frikë, se nuk kam shitur asnjë. Popull injorant. Për Krisht që nuk e gjej. Se jam katolik unë.

Erdogan: E di ti që kjo do të thotë luftë?

Rama: Nuk kanë lindur akoma ata burra që të trembin shqiptarët.

Erdogan: Nuk e kam me ty. E kam për luftë me Greqinë.

Rama: Po pse prish qejf or burrë? Si ta rregulloj unë me ty? Do të jap leje për një xhami tjetër në Tiranë?

Erdogan: Këto janë interesat e Turqisë që nuk negociohen.

Rama: Po ku ka gjë që nuk negociohet. Ja po i them atij Klodit të Spitalit Amerikan që mos t'i çojë më pare Gylenit. Le që ku merr më pare Gyleni qyshse i kam hyrë unë në pjesë. Apo do ndonjë leje pallati në Tiranë?

Erdogan: Kë ke ministër të jashtëm?

Rama: Një minutë të kujtohem... Gjiknurin,...jo, Bushatin.

Erdogan: E dua nesër në Ankara të më sqarojë.

Rama: Aman or burrë, ai bën ça i them unë, dhe unë nuk e kam pasur mendjen kur i thashë bëje. Tani do që të them unë se 12 milje e ka edhe Turqia të drejtën e ujrave territoriale?

Erdogan: Paske lajthitur. Pse ty do të marr dorën unë? Hajt se do ta shohim.

Rama: Sa sedërli je mor burrë, unë ça nuk i kam thënë amerikanëve dhe ata prapë mbajnë ambasadë këtu. Nejse, flasim prapë nesër kur të kenë rënë nervat se qenke tym sot. Natën kardhash./dritare.net