Studimi befasues: Madhësia e testikujve tregon këto gjëra për meshkujt
E Enjte 19 Janar 2017, 18:06
Dritare.net
Studiuesit nga Emory University, thotë se meshkujt me testikuj më të vegjël ishin më shumë të përfshirë në ndërrimin e pelenave, të ushqyerit e fëmijëve dhe kalonin më shumë kohë në vaskë me ta.
Ata po ashtu kanë gjetur edhe dallime në skanimet e trurit të baballarëve duke shikuar pamjet e fëmijëve të tyre, edhe këto të lidhura me madhësinë e testikujve. Por edhe faktorë të tjerë, si prirjet kulturore, po ashtu kanë luajtur rol.
Studimet e mëhershme
Analizat e mëhershme të realizuara në kafshë kanë treguar se nivelet e shfryrjeve seksuale dhe madhësia e testikujve janë fuqimisht të lidhura – kafshët meshkuj me testikuj më të mëdhenj kanë prirje të shkojnë me më shumë partnere.
Hulumtuesit kanë analizuar një teori evolucionare rreth dallimeve për kohën dhe mundin e dhënë për të krijuar familje, ose në harxhimin e kësaj energjie për rritjen e fëmijëve. Ideja është se ata me testikuj më të mëdhenj kanë një përkushtim më të madh për të krijuar më shumë fëmijë, se sa për t’i rritur ata.
Studimi i fundit
Studimi më i ri në njerëz ka analizuar lidhjen në mes të madhësisë së testikujve dhe të qenit baba te 70 meshkuj, të cilët kishin fëmijë të moshës nga një deri në dyvjeçare.
Ekipi i Emory University në Atlanta kishte realizuar skanimet të trurit derisa meshkujve u janë treguar fotografitë e fëmijëve. Analiza e trurit ka treguar se ata me testikuj më të vegjël kishin një reagim më të madh në zonën e trurit krahasuar me ata me testikuj më të mëdhenj. Skanimet kanë treguar diferencë të trefishtë në mes të volumit të testikujve më të vegjël dhe më të mëdhenjve në grup.
Meshkujt baballarë me testikuj më të vegjël, në bazë të intervistave me ta por edhe me nënat, ishin më aktiv në detyrat e tyre prindërore.
Një prej kërkuesve, Dr James Rilling, ka thënë për BBC: “Kjo na tregon neve se disa meshkuj janë në mënyrë natyrale më të prirë për t’u kujdesur se sa të tjerët, por nuk mendoj se kjo i arsyeton meshkujt tjerë. Vetëm se për disa mund të duhet më shumë përpjekje se për të tjerët”.
