Çfarë po ndodh me Dafina Zeqirin? Fshin postimet në Instagram dhe vishet nuse
E Mërkurë 12 Gusht 2020, 11:11
Dritare.net
Këngëtarja e njohur Dafina Zeqiri, ka befasuar fansat me veprimin e saj të fundit. Këngëtarja ka fshirë të gjitha postimet në profilin e saj në Instagram dhe ka postuar një foto, ku shfaqet e veshur me një fustan nusërie dhe e mbuluar me një shami të kuqe.
Epo në këtë foto nuk kishte si të mungonte një koment nga ish-i dashuri i Dafinës, Dj Geek, i cili e ka komplimentuar për pamjen.
"Nusja më e bukur", ka shkruar ai, një koment i cili i ka tërhequr menjëherë vëmendjen e ndjekësve, të cilët kanë vazhduar të aludojnë rreth marrëdhënies së tij me Dafinën.
Dafina kohët e fundit po punon për albumin e saj të ri, i cili mban emrin "Dafinë moj" dhe pritet që të publikohet së shpejti.
Supozohet që kjo foto e postuar nga Dafina, të jetë shkëputur nga skena e ndonjë videoklipi. Por se çfarë fshihet pas gjithë kësaj pritet të mësohet në ditët në vijim./R.P/dritare.net
