Emina Çunmulaj poston foto me lopatë në dorë duke punuar kopshtin: Vetëm kështu ndihem pranë shtëpisë!
E Mërkurë 8 Korrik 2020, 20:08
Dritare.net
Emina Çunmulaj është një nga modelet më të sukesshme shqiptare që ka marrë pjesë në sfilata të rëndësishme të modës dhe ka qenë në kopertinat e revistave më të njohura.
Por pavarësisht këtij fakti, ajo sërish mbetet një vajzë e thjeshtë, siç ka qenë në fëmijërinë e saj.
Jeton në një vilë, por sërish ka mbjellë kopsht, ku më shumë se për të marrë perime bio, e mban për të hequr mallin e vendlindjes së saj.
Ajo sot ka postuar një foto ku shfaqet sportive, me këpucë burrash dhe me lopatë në dorë.
Në postim Emina shkruan: "Nëse nuk ke veshur ndonjëherë këpucë lëkure me tuta, se ke ndjekur kurrë modën. Kopshti im më bën të ndihem shumë e lidhur me shtëpinë time, me fëmijërinë. Më duhet të them se jam mërzitur shumë në shtëpi, që nuk ka mundur të shkoj në Mal të Zi dhe të gjithë vendet përreth. Kjo gjë më lëndon. Nuk e kisha menduar kurrë që do të kishte një gjë që do më mbante larg shtëpisë. Vajza ime Ella, më pyet për kushërinjtë e saj dhe tre javë më parë une mendoja se tani do të kishim shkuar, por kufijtë vijojnë të jenë të mbyllur. Më mungon shumë shtëpia. Shpresoj të jeni të gjithë mirë”./E.B-dritare.net
