Nga dhjami i barkut që nuk hiqet, tek ushtrimet për gjunjët/ Trajnerët personalë ju tregojnë çfarë duhet të bëni!
E Mërkurë 11 Dhjetor 2024, 22:10
Dritare.net
Burimi: The Telegraph
Gjashtë muaj më parë gjuri im u diagnostikua me një problem që më pamundësonte ecjen. Për shkak të kufizimeve nga Covid-19 unë kam folur më fizioterapistin tim veç me telefon. Ngaqë po lëvizu më pak kam shtuar peshë, por dua të filloj të ushtrohem. Çfarë mund të bëj?
"Një nga ushtrimet më të mira është ecja. Është një formë fantastike e kardios, por që u bën mirë edhe gjunjëve. Mirë është ta bëni në terrene kodrinore ose në fshat, pasi promovon bashkërendimin, ekuilibrin dhe përqendrimin, po edhe punon më shumë me sistemin tuaj kardiovaskular. Në varësi të nivelit tuaj të ushtrimit dhe vështirësisë së terrenit, një orë ecje mund të djegë aq kalori sa një person që vrapon për të shkuar në punë. Një tjetër ushtrim fantastik është noti, i cili ndihmon nyejt tuaja, nuk ushtron presion në to, ndërsa muskujt dhe sistemi kardiovaskular marrin një stërvitje të shkëlqyeshme.”, thotë Alex Parren, trainer personal.
Unë eci të paktën 30 milje në javë, por e kam të vështirë të humbas kilet që kam vënë së fundmi. Nuk mund të vrapoj për shkak të dëmtimit të gjurit. Si mund ta heq peshën e mbetur?
"Vrapimi nuk është i nevojshëm për të humbur peshë, ose më saktësisht për të hequr dhjamin. Ecja mund të heqë po aq kile sa vrapimi, thjesht mund të zgjasë pak më shumë. Për të djegur dhjamin, duhet të digjni vazhdimisht më shumë kalori sesa hani, pasi kjo e detyron trupin të futet te kaloritë e depozituara (yndyra trupore). Trupat më të rëndë djegin më shumë kalori sesa trupat më të lehtë, sepse muskujt kërkojnë më shumë energji për të lëvizur peshën shtesë, në të njëjtën mënyrë siç makina juaj djeg më shumë karburant kur është me bagazh të rëndë. Ju duhet të rregulloni ekuilibrin ose duke ngrënë më pak, (i cili mund të jetë i paqëndrueshëm dhe i pashëndetshëm), ose duke rritur intensitetin ose kohëzgjatjen e shëtitjeve. Unë do të rekomandoja t'i vini vetes një sfidë te këmbët, të ndryshoni shpejtësinë dhe intensitetin e ecjes dhe të ngjisni kodra. Në fund, ngrini pesha.”,këshillon Alasdair Fitz-Desorgher, trajner personal në aplikacionin e fitnesit në shtëpi Openfit.
Cilat janë ushtrimet më të mira për të humbur dhjamin në bark dhe për të mposhtur lodhjen për shkak të perimenopauzës?
“Ju duhet të ekuilibroni dietën dhe lëvizjen. Hani më shumë fruta dhe perime, karbohidrate nga mielli, proteina dhe yndyra të mira dhe shmangini ushqimin me sheqer dhe yndyror. Kombinimi i kardios ( vrapim, çiklizëm, not) me ngritjen e peshave dhe ushtrimet bazike do të djegë kalori, do të rrisë dendësinë muskulore, do të tonifikojë barkun dhe ndihmojë për krijimin e një qëndrimi më të mirë, i cili do të ndihmojë në mbajtjen nën kontroll të dhjamit të barkut. Bëni sa më shumë ushtrime.”, thotë Nicki Philips, themelues i aplikacionit të fitnesit Niix.
Unë punoj 40 orë në javë dhe dua të filloj një program trajnimi në shtëpi. Si mund të filloj?
"Stërvitja me forcë nuk ka nevojë të jetë e komplikuar, kërkon shumë pak pajisje dhe për fillestarët mund të filloni duke përdorur peshën tuaj trupore. Në fakt, zotërimi i lëvizjeve të peshës trupore para se të shtoni pesha është thelbësore për të parandaluar dëmtimet. Unë do të rekomandoja të investonit te një palë shtanga dore të lehta/mesatare dhe një palë më të rënda. Ju ndoshta jeni më të fortë se sa e kuptoni, prandaj mos kini frikë të sfidoni veten. Këshilla ime numër një është të mbash një regjistër të stërvitjes, duke shënuar sa përsëritje bëre dhe sa peshë ke përdorur, në mënyrë që të mund të kontrollosh progresin.”, thotë Nicole Chapman, trajnere personale./K.C/dritare.net
