Presidenti Meta shpall 'non grata', ambasadorin Borchardt
SHKRUAR MË 18 Nëntor 2019
Dritare.net
Presidenti i vendit Ilir Meta, ka shpallur 'non grata', ambasadorin e OSBE në Shqipëri, Bernd Borchardt. Në shkresën e presidencës, thuhet se ambasadori ka vënë në diskutim dekretin e kreut të shtetit, për zgjedhjet vendore në Shqipëri të muajit qershor 2019 dhe ka ofenduar qytetarët shqiptarë.
"Institucioni i Presidentit të Republikës së Shqipërisë i paraqet komplimentat Zyrës së Asamblesë Parlamentare të OSBE-së në Kopenghagë, Zyrës së Prezencës së OSBE-së në Tiranë dhe Drejtorisë së Protokollit të Shtetit MEPJ në Tiranë dhe u bën me dije se:
Bernd Bochardt, i cili vuri në diskutim Dekretin e Presidentit të Republikës së Shqipërisë, Ilir Meta për zgjedhjet vendore në Shqipëri të muajit qershor 2019 dhe që publikisht i tregoi gishtin qytetarëve shqiptarë nuk më i mirëpritur në Institucionin e Presidentit të Republikës.
Institucioni i Presidentit të Republikës së Shqipërisë përfiton nga rasti për t'i shprehur Zyrës së Asamblesë Parlamentare të OSBE-së në Kopenhagë, Zyrës së Prezencës së OSBE-së në Tiranë dhe Drejtorisë së Protokollit të Shtetit të MEPJ në Tiranë dhe vlerësimet e konsideratës më të lartë', thuhet në shkresë./L.F-dritare.net
