Dorëheqje dhe shkarkime pas ultimatumit të Ramës për kryetarët e njësive administrative
E Hënë 14 Korrik 2025, 14:02
Dritare.net
Pas afatit të vendosur nga Kryeministri Edi Rama për largimin deri të hënën të kryetarëve të Njësive Administrative, kanë nisur dorëheqjet dhe shkarkimet në disa qarqe të vendit:
Elbasan – Kryetarët e njësive administrative dhe disa drejtues funksionesh dhanë dorëheqje pas një mbledhjeje urgjente në Bashki.
Kukës – Kryebashkiaku Albert Halilaj shkarkoi 14 kryetarë njësish dhe 2 nënkryetarë të bashkisë, duke përmendur mangësi në performancë dhe nevojën për përmirësim të shërbimeve ndaj qytetarëve.
Korçë – 6 kryetarë njësish dorëzuan dorëheqjet, por do të qëndrojnë në detyrë deri në emërimin e pasardhësve. Nënkryetarët e bashkisë nuk kanë dhënë dorëheqje dhe nuk janë kërkuar ende largime.
Kolonjë dhe Devoll – Janë dhënë dorëheqjet nga 3 kryetarë në Kolonjë dhe 4 administratorë në Devoll.
Vala e largimeve pritet të përfshijë edhe bashkitë e tjera në qarkun Korçë, si Maliqi dhe Pogradeci, në kuadër të riorganizimit të administratës vendore pas thirrjes së kryeministrit për përgjegjësi dhe performancë./L.F-dritare.net
