Policia vë 2 mijë gjoba për 48 orë/ Ja rasti i shoferi që drejtonte autobusin me 80 pasagjerë, i dehur!

Për 48 orë, mbi 2 mijë gjoba ka vënë Policia Rrugore e Tiranës, për shkelje të rregullave të qarkullimit. Policia ka treguar edhe rastin e një autobusi me  80 pasagjerë brenda, ku shoferi ishte i dehur.

“Policia Rrugore e Tiranës, nisur nga prioritetet e kontrollove policore për parandalimin e aksidenteve rrugore, ka ushtruar kontroll me përzgjedhje ndaj mjeteve të transportit publik qytetas dhe ndërqytetës në orare dhe vende të ndryshme, ku janë konstatuar shkelje aq sa flagrante dhe të rrezikshme, siç ishte rasti i një autobusi që kishte më shumë se 80 pasagjerë, vazhdoi lëvizjen ndonëse sinjalizimi i semaforit e ndalonte atë, në një nga kryqëzimet kryesore të kryeqytetit si dhe rezultoi në gjendje të dehur në masën 0.69 mg/l, rrezik potencial që për nga kapaciteti mbartës i autobusit, mund të shkaktonte tragjedi në rrugë, nëse përfshihej në ngjarje rrugore.

Gjithashtu në fokusin e kontrolleve të rrugorëve të kryeqytetit, ditët e fundit ka qenë edhe përparësia ndaj këmbësorëve, përdorimi i kaskës mbrojtëse nga përdoruesit e mjeteve me dy rrota, parandalimi i përdorimit të celularit gjatë drejtimit të mjetit, parandalimi i shpejtësisë, etj;

Përgjatë 48 orëve të fundit, rrugorët e kryeqytetit kanë konstatuar dhe:

  • Kapur në kushtet e flagrancës 23 shtetas, nga të cilët 7 në gjendje të dehur, 15 të pa pajisur me leje drejtimi dhe 1 për falsifikim të dokumenteve zyrtare.
  • Pezulluar 47 leje drejtimi, nga të cilat: 16 për drejtim mjeti nën efektin e alkoolit, 22 për shpejtësi mbi normat e lejuara që varionte nga 155km/h deri në 175 km/h, 2 për mos bindje ndaj shenjës së ndalimit, 5 për largim nga vendi i aksidentit dhe 2 për shkelje të tjera.
  • Proceduar me masë administrative 287 drejtues mjetesh për mos përdorim të rripit të sigurisë dhe sistemeve të fiksimit.
  • 123 drejtues motomjetesh për mos përdorim të kaskës mbrojtëse.
  • 122 drejtues mjetesh për përdorim të aparatit celular gjatë drejtimit të mjeteve.
  • 42 drejtues mjetesh për mosdhënie përparësie ndaj këmbësorëve.
  • 57 drejtues mjetesh të pasiguruar dhe certifikuar teknikisht.
  • 562 mjete dhe drejtues mjetesh, për ndalim pushimi dhe qëndrimi.
  • Verifikuar 46 ankesa të adresuara nga qytetarët nëpërmjet Komisariatit Dixhital dhe forma të tjera, në funksion të të cilave janë vendosur 67 masa administrative, kryesisht për parkime të gabuara.

Si dhe janë vendosur 789 masa administrative për shkelje të tjera të rregullave të qarkullimit rrugor.”,– njofton policia./K.C/dritare.net

LEXO DHE :  Nga “Rrëmbeni armët!”, te thirrjet për konsulta, janë të gjitha thirrje për luftë

 

Për t’u bërë pjesë e grupit "Dritare.net" mjafton të klikoni: JOIN GROUP

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.