Petrit Vasili: Macron e bëri të vetën, tani u mbetet shqiptarëve të bëjnë të tyren

Nënkryetari i LSI-së Petrit Vasili, me anë të një postimi në rrjetet sociale, ka shkruar se vendimi i Macron, që kundërshtoi çeljen e negociatave, ishte i drejtë. Ai shkruan se Gjermania dhe Macron, e bënë punën e tyre, tashmë u mbetet shqiptarëve të bëjnë të tyren. Me këtë shprehje ai nënkupton se rruga e duhur është vetëm largimi i kryeministrit Rama. Për shkak të tij, shkruan Vasili, Shqipëria po izolohet.

"Zyrtare europiane,te cilet nga monitoruesë te rrepte kthehen ne eurodiplomate kanabiste,kliente dhe nepunes te qeverise ne Shqiperi,nuk u duhen as shqiptareve as Europes vete pasi mund te gerryejne edhe vetë ate. Edi Rama eshte humbesi i vetem dhe pa asnje alibi ne te gjithe kete proces deshtimi per Shqiperine qe vuan izolimin per shkak te tij.

Edi Rama si armik i integrimit, prej gati nje dekade, duke filluar nga turpi i bllokimit te integrimit per tre vite per nje kryetar qarku ne Fier dhe per me shume se gjashte vite duke ngritur narkoshtetin antieuropian, sot mbetet pengesa e vetme per hapjen e negociatave. Largimi i tij eshte mision i te gjithe shqiptareve sepse ai po le jashte Europes te gjithe ata pavaresisht bindjeve te tyre politike.

Gjermania dhe Makron e rrezuan narkoshtetin,akaparimin eurodiplomatik kanabist. Ata legjitimuan zemerimin e mijra e mijra shqiptareve, qe prej muajsh jane derdhur ne sheshet e Shqiperise dhe 85% e tyre refuzuan votimet e paligjshme komuniste te 30 qershorit.

Antishteti i Rames eshte tashme lakuriq ne syte e te gjithe Europes dhe botes. Gjermania dhe Makron e bene te vetën tani u takon shqiptareve te bejne te tyren", shkruan Vasili.