Përcaktohet stadiumi ku do të luhet Partizani- Skënderbeu

Më në fund është vendosur zyrtarisht stadiumi ku do të luhet ndeshja e madhe e javës së nëntë të Kategorisë Superiore. Të kuqtë kanë pritur deri në momentin e fundit përgjigjen e Tiranës për të përdorur “Selman Stërmasin”, por impianti bardheblu do të mbyllet këtë javë pasi do të mbillet bar i ri në fushë.

Partizani do të presë Skënderbeun në “Elbasan Arena” të hënën në orën 17:00. Tifozët mbeten në pritje të një prej ndeshjeve më të rëndësishme, të dy ekipeve kryesuese të kategorisë superiore.