Berisha shpalos strategjinë për përmbysjen e Ramës javën e ardhshme!
E Hënë 20 Nëntor 2023, 13:01
Dritare.net
Pas përleshjeve të fundit në kuvend ku foltoristët e Berishës dhe vulëhumburit e Gaz Bardhit i rrahën për vdekje për herë të katërt karriget e qeverisë, Berisha vendosi të mblidhte grupin e ngushtë për të caktuar strategjinë për të ardhmen.
Ai theksoi se së pari qeverisë i është kallur data nga revolucioni që po bëjnë opozitarët e vërtetë në sallën e kuvendit. Edi Ramës, tha Berisha, i ka hyrë kaq shumë frika nga revolucioni ynë saqë pritet nga momenti në moment të japë dorëheqjen.
Priten përforcime nga Partia e Lirisë, por kjo ka probleme efektivësh pasi për momentin përgjigjen në apel, vetëm Titi dhe Gimi.
Por kjo nuk mund të ulë mobilizimin tonë, tha Berisha, sidomos pas bashkimit me grupin e Gazit.
Duhet vënë në pah, tha Berisha, se Gazi po i lan gjynahet me aktivizimin e fortë të kohëve të fundit. Gjithsesi, theksoi ai, duhet që të vrasë ndonjë deputet, por këtë radhë jo me dorën e të tjerëve, por po ka bythë ta bëjë vetë.
Në këtë kuadër, vazhdoi Berisha, ngarkohen rapsodët e Foltores të përhapin këngën që e kam shkruar unë për gjithë natën, me tekst si më poshtë:
Edi Rama o shpirtzi/
Nuk ke pa Berish me sy/
Që djeg vedin edhe ty/
Bashkë me Gazin t’kallin n’hi/
Ky Gaz Bardhi djalë i ri/
Nuk ka ba asnji trimni/
N’parlamet po don me hy/
Me djeg vedin dhe qeveri/
Edi Rama or Edi Rama/
Ti s’ke pa do trim azgana/
Gazmend Bardhin nga Kavaja/
Bashkë me shok s’i ban ma nana/
Gjemon topi dhe mortaja/
Jam Gaz Bardhi nga Kavaja/
Nuk me tremb topi dhe pushka/
Ku jeni fsheh ju more pushta/
Ku keni hup or socialista/
Qe t’jua baj teshat qefina/
Jam Gaz Bardhi, demokrat/
S’do ju lej aspak rehat/dritare.net
