Vrasja e Ilaria Sulës! Studentja zbulon mesazhet e Mark Samson pas krimit!
E Enjte 10 Prill 2025, 08:08
Dritare.net
Emisioni “Chi l’ha visto” në Rai3 ka ka zbardhur detaje të reja në lidhje me vrasjen shqiptares Ilaria Sula nga ish i dashuri i saj filipinas, Mark Samson. Programi sjell dëshminë e një vajzë, e cila tregon bisedat që kishte bërë me të riun, i cili i kishte shkruar si para ashtu edhe pas vrasjes së Ilaria Sulës.
Vajza tregoi sesi djali i kishte thënë asaj se po kalonte një kohë të vështirë dhe ishte i etur për të takuar njerëz të rinj.
“Ai më tha se po kalonte një kohë të keqe dhe donte të bënte miq të rinj,” shpjegoi dëshmitarja.
Kërkesa këmbëngulëse për një takim
Vajza tha se ajo dhe Marku sapo ishin takuar përmes chat-it dhe se ai, pasi kishte thënë se ishte në dispozicion për ta takuar. Një ditë para vrasjes së 22 vjeçares, ai e kishte pyetur nëse kishte ndonjë shok dhomë
“Ai më pyeti nëse kisha ndonjë shok dhome dhe më dërgoi mesazhe gjatë gjithë ditës më 25 mars. Ai vazhdoi të kërkonte të na shihte,” shpjegoi vajza, duke kujtuar këmbënguljen e djalit.
E reja më pas tha se Marku i kishte dërguar fotot, përfshirë një të bërë në zonën Furio Camillo, ku jetonte vajza.
“Ai më shkroi se po kalonte një kohë të keqe dhe donte të bënte miq të rinj”, tha ajo, duke lënë të kuptohet se ai po përpiqej të lidhej me të, edhe pse ajo nuk po i përgjigjej mesazheve të tij.
Qëndrimi gjithnjë e më këmbëngulës i Markut ngriti një dyshim në rritje tek vajza, e cila tregon se ai i kërkontë që të bënin një bisedë, madje i dërgonte edhe foto.
Edhe pse ajo nuk u përgjigj, ai vazhdoi t’i dërgonte mesazhe dhe t’i telefononte, duke shfaqur shenja këmbënguljeje të vazhdueshme. Më pas, përsëri kur Ilaria ishte vrarë, ai vazhdontë të kërkonte një takim me vajzën.
“Ai filloi të këmbëngulte se donte të vinte në shtëpinë time dhe të sillte pije, unë thashë jo, duke thënë se i dashuri im ishte në shtëpi për ta larguar nga qëllimi i tij”, shtoi vajza, duke përshkruar një mesazh në të cilin Marku, i shoqëruar me një foto të një brioshi, u përpoq ta shtynte për ta takuar. “A mund të qëndroj me ju? “Unë do t’ju sjell një briosh,” shkroi Mark Samson.
Zbulimi i së vërtetës
Në datën 27 mars, kur të gjithë kërkonin Ilarinë, Marku vazhdoi t’i shkruante studentes, ndërkohë që përdorte telefonin e viktimës për t’u dërguar mesazhe të afërmve dhe miqve. Më pas, e reja ka marrë një mesazh nga një mikeshë e cila i ka treguar se Marku ishte ish-i dashuri i Ilaria Sulës.
“Mendimi im i parë ishte: “Kjo mund të më kishte ndodhur mua”, tha ajo, duke kujtuar momentin kur kuptoi të vërtetën.
Vajza ka treguar edhe për një episod që e ka bërë edhe më të dyshimtë: “Një mbrëmje, telefonit më kishte mbaruar bateria dhe po kthehesha në shtëpi, dhe ai më priti në dalje të metrosë Furio Camillo, në makinë, sepse donte që të karikoja telefonin në makinën e tij./E.P-dritare.net
