Sëmundjet e zemrës në Shqipëri. Dr. Spiro Qirko: Infarkti zë vendin e parë!
E Premte 3 Tetor 2025, 11:11
Dritare.net
Peizazhi i sëmundjeve të zemrës në Shqipëri ka ndryshuar rrënjësisht.
'Dikur kanë qenë sëmundjet reumatizmale që dominonin, kurse tani janë sëmundjet e enëve koronare. Sot është bërë infarkti shumë i shpeshtë,' shpjegon Prof. Dr. Spiro Qirko për DritareTv.
Ai ia atribuon këtë rritje dramatike një morie faktorësh modernë: mungesës së kontrollit periodik, stresit të lartë dhe veçanërisht 'epidemisë' së diabetit.
Kjo situatë kërkon dy gjëra: një popullatë më të edukuar që kërkon ndihmë mjekësore herët dhe mjekë të aftë që dinë ta ofrojnë atë. 'Duhet të shkosh te një mjek i zoti,' paralajmëron ai, duke treguar raste tragjike ku diagnoza të gabuara kanë kushtuar jetë.
Kjo nevojë për mjekë të aftë përballet me një sfidë tjetër, ndoshta edhe më të madhe: emigrimin masiv të tyre.
Duke cituar statistika alarmante që tregojnë se Shqipëria ka një nga numrat më të ulët të mjekëve për banorë në rajon, ai e përshkruan këtë fenomen si 'një hemorragji shumë e madhe dhe e dhimbshme, që do të ketë pasoja katastrofike./dritare.net
