Rama: Nuk të çon qeveria në burg. Më vjen keq, por kjo është drejtësia!
E Martë 22 Prill 2025, 11:11
Dritare.net
Kryesocialisti Edi Rama sot në një takim elektoral u ndal te drejtësia dhe goditjet majtas, kur tha se nga ana njerëzore ndihet keq, por nga ana morale dhe për besimin që populli i ka dhënë me votë, ndihet ballëlartë.
“Ne shpatën e drejtësisë e dorëzuam! Altin Dumanin të tërë e njihni dhe e respekton shumicë dërrmuese dhe me të drejtë, po ai nuk lindi dje!
Nga pikëpamja njerëzore jam i keqardhur për arrestimet. Nga pikëpamja morale ndaj jush dhe atyre që më kanë dhënë votën, jam ballëlartë. Nuk të çon qeveria në burg, nuk bën qeveria hetime dhe përgjime, janë punë të drejtësisë. Shtëpia jonë është krijuar për të qeverisë, çuar njerëz në parlament, dhe në shtëpinë tonë kush bën gjëra të paligjshme duhet të ndëshkohet, jo nga partia por drejtësia.
Ne më shumë seç ishim do jemi, sepse historia e kësaj partie është një bie mijëra ngrihen”, tha kreu i PS./L.F-dritare.net
