PS përcakton drejtuesit e komisioneve parlamentare
E Hënë 15 Shtator 2025, 11:11
Dritare.net
Partia Socialiste mblodhi sot grupin parlamentar, pak ditë pas betimit të deputetëve të rinj në Kuvend. Në mbledhje mori pjesë edhe kryeministri Edi Rama, ndërsa fokusi kryesor ishte ndryshimi i rregullores së Parlamentit dhe riorganizimi i komisioneve parlamentare.
Damian Gjiknuri do të vazhdojë të drejtojë Komisionin e Reformës Zgjedhore, ndërsa në krye të komisioneve të përhershme janë emëruar disa prej ish-ministrave të kabinetit socialist.
Sipas vendimmarrjes, komisionet parlamentare do të jenë 11 në total, nga të cilat 7 do të drejtohen nga maxhoranca dhe 4 nga opozita.
Përbërja e re e komisioneve:
Komisioni për Ekonominë, Punësimin dhe Financat – Milva Ekonomi (maxhoranca)
Komisioni për Çështjet Ligjore dhe Administratën Publike – Ulsi Manja (maxhoranca)
Komisioni për Çështjet e Brendshme dhe Mbrojtjen – Bledi Çuçi (maxhoranca)
Komisioni për Edukimin, Shkencën dhe Sportet – Opozita
Komisioni për Shëndetësinë dhe Mirëqenien Sociale – Opozita
Komisioni për Burimet Natyrore, Infrastrukturën dhe Zhvillimin e Qëndrueshëm – Anila Denaj (maxhoranca)
Komisioni për të Drejtat e Njeriut dhe Mjetet e Informimit Publik – Opozita
Komisioni për Bujqësinë, Ushqimin dhe Zhvillimin Rural – Blendi Klosi (maxhoranca)
Komisioni për Kulturën, Turizmin dhe Diasporën – Opozita
Komisioni për Europën dhe Punët e Jashtme – Igli Hasani (maxhoranca)
Komisioni i ri për Nismat Qytetare, Bashkëpunimin dhe Mbikëqyrjen Institucionale – Fatmir Xhafaj (maxhoranca)
Gjithashtu, janë përcaktuar edhe drejtuesit e dy komisioneve të posaçme:
Komisioni i Posaçëm për Reformën Zgjedhore – Damian Gjiknuri
Komisioni i Posaçëm për Reformën Administrative-Territoriale – Arbian Mazniku/L.F-dritare.net
