Plani 2030/ Kur do të dyfishohen pensionet? Flet Rama
E Diel 30 Nëntor 2025, 10:10
Dritare.net
Në podcastin 'Flasim', kryeministri Edi Rama foli për pensionistët dhe planin ambicioz për rritjen e pagës minimale në 500 Euro brenda vitit 2026, por edhe vizionin afatgjatë për Shqipërinë e vitit 2030.
Sipas Ramës, pensionistët me të ardhura deri në 20,000 lekë të reja do të përfitojnë 150 Euro, ndërsa ata mbi këtë shumë do të marrin 100 Euro. Ky hap, sipas tij, shënon fillimin e një cikli të ri rritjeje që do të vazhdojë intensivisht nga viti 2026 deri në vitin 2030, ku synohet shumëfishimi i pensioneve. Përveç kësaj, Rama rikonfirmoi zotimin për rritjen e pagës minimale në 500 Euro brenda vitit 2026, si për sektorin publik ashtu edhe për atë privat, duke e cilësuar këtë si një gur themeli për mirëqenien e qytetarëve.
Rama: bMiratuam këtë javë shpërblimin e fundvitit për pensionistët, duke i dhënë fund zërave të kënetës së madhe politike e mediatike, që helmuan gjyshër e gjyshe me informacionin e rremë se shpërblimi i këtij fundviti do të ndahej çdo muaj të vitit tjetër dhe këtë vit nuk do të kishte shpërblim. Jo, shpërblimet janë nisur drejt pensionistëve dhe kush ka një pension deri në 20 mijë lekë të reja do të marrë një shpërblim 150 euro, ndërsa kush e ka pensionin mbi 20 mijë lekë të reja do të shpërblehet me 100 euro.
Ndërkohë, me hyrjen e vitit të ri 2026 nis edhe historia e re e rritjes së pensioneve, të cilat do të nisin të rriten nga janari e do të dyfishohen në janar 2027, do të trefishohen në janar 2028, do të katërfishohen në janar 2029, e do të pesëfishohen në janar 2030. Më 1 janar 2026 do të rritet edhe paga minimale, tamam ashtu sicc jemi zotuar.
Ajo do të jetë 500 euro, qoftë në sektorin publik, qoftë në sektorin privat./dritare.net
