Pas Edi Ramës, edhe Bieta e Albani, zbulojnë Labovën e Kryqit
E Diel 25 Korrik 2021, 16:04
Dritare.net
Postimi i kryeministrit Rama për Labovën e Kryqit duket se ka pasur ndikim tek ata që e kanë parë. Ai e promovoi ketë vend në rrjetet sociale, duke e cilësuar si parajsa në tokë. Menjëherë pas tij vipat kanë nisur të shkojnë për ta vizituar. Të parët ishin çifti i moderatorëve Bieta Sulo dhe Alban Dudushi.
Së bashku me familjen prej 4 anëtarësh ata këtë fundjavë shkuan në Labovë të Kryqit.
“Jete turisti” ne vendin tënd. Për te mos u humbur Libohova. Nga rrapi i shek. XVI, Monument Kulture, tek kalaja e sahati, ushqimi fantastik dhe natyra qe te fton ne shëtitje”, shkruan Bieta në rrjetet sociale.
Gjirokastra të ofron pafund mundësi për të kaluar një fundjavë të bukur.
Nëse do të shkoni në jug nga Gjirokastra, ndaluni në qytet dhe shijoni darkat fantastike si askund tjetër./L.F-dritare.net
