Ledia Xhoga zbulon sekretet e Booker Prize : Një anëtar jurie, gati të zihet për librin tënd
E Diel 30 Nëntor 2025, 15:03
Dritare.net
Në intervistën ekskluzive dhënë për gazetaren Rudina Xhunga në Dritare TV, shkrimtarja shqiptare e nominuar për Booker Prize, Ledia Xhoga, tregoi për herë të parë se si funksionon në të vërtetë një nga çmimet më prestigjioze të letërsisë botërore .
Sipas Xhogës, shumëçka varet nga një gjë: një anëtar jurie që e do librin tënd me pasion – aq shumë sa është gati të “zihet” për ta çuar deri në fund.
“Kështu funksionon. Në juri duhet të ketë dikë që e pëlqen librin me tërë shpirtin. Që ngrihet në mbledhje, e mbron, e shtyn, nuk e lë. Janë gati të zihen për librin tënd. Dhe kështu libri shkon përpara,” — tha Xhoga.
Ajo tregoi se shpesh fituesit nuk varen vetëm nga cilësia e veprës, por nga “energjia njerëzore” që krijohet brenda jurisë.
“Ka shumë fat, ka shumë rastësi. Është shumë personale. Mund të ketë libra të jashtëzakonshëm që nuk i mbron askush brenda. Dhe nuk dalin. Ndodh.”
Ledia zbuloi se edhe librat e saj që humbën çmime më të vogla në Brooklyn ishin futur nga botuesit pa dijeninë e saj në listën e Booker Prize.
“Unë nuk e dija fare që më kishin futur. Më thirrën dhe më thanë që isha në listën e gjatë. Ishte shok.”
Kjo është hera e parë që një shkrimtare shqiptare flet kaq hapur për mekanizmin e brendshëm të një çmimi botëror. Dhe është hera e parë, pas Ismal Kadaresë që flasim për të tilla nivele. Këtë herë është nje grua nga Tirana. Eshtë Ledia Xhoga./dritare.net
