Si tregohej Shqipëria e para ‘90-ës, në revistën Ylli! Flet Roland Tasho-fotoreporter
E Mërkurë 8 Maj 2024, 20:08
Dritare.net
Fotografi Roland Tasho i ftuar në emisionin Shqip nga Rudina Xhunga në DritareTV tregoi Shqipërinë 360 gradë nga viti 1982. Fotoreporteri prezanton ciklet e reportazheve që ka bërë ndër vite, që dokumentojnë Shqipërinë në kohë të ndryshme.
Korçë 1989. Korçarët në kafe. Vajzat veç e djemtë veç.
Lezhë pas 1990-ës
Fabrika e Qelqit në Kavajë- artisja që i jepte formën qelqit!
Kavajë te Fabrika e Qelqit, momenti kur nxirret bishti i peshkut prej qelqi që ishte në shtëpinë e çdo shqiptari.
Këtu jemi pas 1990-ës. Radha për vajguri, në Rrugën e Durrësit!
Gazetarja Rudina Xhunga
Merkata e Fruta-Perimeve, në 1988-ën! Sot kjo ndërtesë është prishur, është ndërtuar një pallat!
Te fakulteti i Gjeologjisë 1988-1999.
1989-1990, në kopërtinën e revistës Ylli, fotografova komshien time. Kjo është Elona Dilo. Partia e kishte caktuar me punë në Vlorë dhe ajo nuk vajti. Vetëm pse e nxora këtë vajze në kopertinën e revistës, do të më ndëshkonin. Por ishte fati im që kjo ishte vajza e drejtorit të Galerisë dhe shpëtova.
Bora e 1988-ës në Tiranë. Jemi te Rruga e Elbasanit. Ishte ditë feste për ne.
Këtu jemi te Piramida, e cila sapo ishte bërë! Muzeu i Diktatorit.
Po të ishte ende sot Muzeu i Diktatorit do të ishte fabrikë parash. Sepse do ta vizitonin shumë turistë. Ky ishte monumenti i Enver Hoxhës te Piramida. Ky monument sot nuk ekziston, sepse e copëtuan në 1991-shin kur u shqye Piramida.
“Pëllumbi që do lirinë!” Kur hapa ekspozitën e parë me ngjarjet e 1990-1991-shit ky pëllumb që pi ujë ishte simbol. U vendosa si poster. Me këtë ekspozitë bëra xhiro nëpër Evropë!
Këtu jemi në 1989-ën, kur bëhej Spartakiada!
Kjo foto është pjesë e një cikli të veçantë të shkrepur pas 1990-ës! Ky pallati është ende.
Kjo foto është pjesë e një reportazhi që bëja unë. Këtu jam duke filmuar procesin e trikotazhit në Korçë para 1990-ës.
Cikli “Vajzat e ikura”
Parashqevi Simaki, tek Amfiteatri, te Liqeni, në 1990-ën.
Merita Halili, shkrepur në vitet 1989-1990
Tefta Tashko Koço dhe mbesa e saj!
1988. Kjo është foto e fshehur sepse nuk lejohej në revista të dilnin duke pirë cigare.
Missi i 1993-shit Valbona Çobo
Cikli i kostumeve popullore.
Në foto Riccardo Cocciante me kostum popullor.
Ambasadori i BE-së. Ishte dashamires i shqiptarëve. Ai më ndihmoi që të bëja ciklin e ambasadorëve.
De Biazi me kostum popullor, ngjalli shumë interes.
Ky doli një cikël shumë i bukur. Janë rreth 100 personazhe të huaja që janë pjesë e ciklit. Të huajt kishin shumë qejf t’i vishnin. Ndërsa me shqiptarët e kisha shumë të vështirë, thoshin: “Unë do vishem si katundar…” Ndërsa të huajve po t’u flisje për politikë nuk ta fishkëllenin, ama kur u flisje për etnografinë, ikonografinë, kulturën, të merrnin seriozisht. Vlerat kulturore i dinin shumë mirë.
Cikli “Një karrige për shkrimtarët!”
Në këtë karrige vunë firmën 46 shkrimtarë. Kjo nisma filloi në 1998 dhe në 2000-shin e mbylla ciklin e fotografimit dhe të firmosjes. Një pjesë të të moshuarve u shkova në shtëpi, ata firmosnin unë i fotografoja.
Këtë karrige e mora nga shtëpia dhe e çoja në shtëpitë e shkrimtarëve. Sot duan të ma blejnë. Kur fotografova Dritëro Agollin më tha: Kjo karrige është si puna e verës. Sa më shumë të kalojë koha, aq më shumë do të vlerësohet.”
Shqipëria tjetër është një cikël tjetër fotosh, ku fotografoja shqiptarë në Itali, Greqi, Hungari, Çeki, Kroaci, etj./K.C/dritare.net
