Situata e përmbytjeve në të gjithë vendin!
E Shtunë 22 Nëntor 2025, 11:11
Dritare.net
Ministria e Mbrojtjes ka njoftuar se pas ndërhyrjeve intensive të forcave operacionale gjatë natës dhe ditës, situata e motit dhe e përmbytjeve në vend po përmirësohet gradualisht. Megjithatë, në disa zona reshjet e shiut vazhdojnë, ndërsa ekipet e emergjencave civile, Forcat e Armatosura dhe strukturat vendore vijojnë punën për të stabilizuar plotësisht situatën, për të pastruar rrëshqitjet dhe për të garantuar sigurinë e banorëve.
Situata sipas qarqeve:
VLORË:
Lumi Vjosa në Novoselë ka tendencë uljeje (aktualisht 7.65 m).
Shkak i reshjeve të shiut kanë qenë prania e dherave në akset rrugore mes fshatrave.
Evakuim i një banese është bërë në fshatin Vrion.
Hidrovorët e bashkisë punojnë me kapacitet të plotë.
FIER:
Lumenjtë Vjosë dhe Seman shënojnë ulje të nivelit të ujit.
Rreth 110 ha tokë mbetet e përmbytur në fshatrat Kashisht–Çerven dhe Ferras.
Nuk ka evakuime, por po punohet për largimin e ujit nga oborret e banesave.
Forcat e FA dhe struktura vendore janë në gatishmëri të plotë.
KORÇË:
Monitorohen lumenjtë Devoll dhe Dunavec.
Ka prani uji në disa banesa dhe toka bujqësore; 15 familje evakuar në Sovjan.
Po punohet për pastrimin e rrëshqitjeve dhe stabilizimin e hidrovorit të Tushemishtit.
Një person 76 vjeç u gjet pas përpjekjeve të ekipeve të kërkim-shpëtimit.
LEZHË:
Rreth 220 ha tokë nën ujë në Zejmen, Shënkollë dhe Barbulloje.
Hidrovorët punojnë me kapacitet të plotë, furnizimi me ujë dhe energji vazhdon normalisht.
Po rehabilitohen aksese rrugore dhe shtratit i lumenjve për të parandaluar përmbytjet.
DIBËR:
Situata në përmirësim; po punohet për thellimin e kanaleve kulluese dhe largimin e ujit.
Monitorohen fshati Urakë dhe liqeni i Ulzës.
SHKODËR:
Problematike zona e Qafë Malit në Fushë-Arrëz; po pastrohen dherat në akset rrugore.
Rritje prurjesh në përroin e Thatë në Malësi e Madhe.
BERAT & GJIROKASTËR:
Lumë Osum dhe Devoll kanë rënë në nivel normal.
Po punohet për pastrimin e baltës dhe riparimin e rrugëve dhe urave të dëmtuara nga reshjet.
ELBASAN:
Punime në aksin Gramsh-Moglicë dhe urën e Shëmrizës, pas përmbytjeve dhe rrëshqitjeve dheu.
TIRANË:
Monitorohen prurjet e lumit Shkumbin në Rrogozhinë.
OSHEE po punon për rilidhjen e energjisë në zonat e prekura.
Thirrje për qytetarët:
Ministria e Mbrojtjes dhe strukturat në varësi bëjnë apel që banorët e zonave të prekura të bashkëpunojnë me autoritetet dhe të ndjekin udhëzimet për evakuimet e mundshme. Forcat e emergjencave dhe të armatosura janë të angazhuara pa ndërprerje për të siguruar jetën dhe pronën e qytetarëve.
