Asistenca familjare/ Migena dhe Dino kanë gjetur zgjidhjen e përkujdesjes për më të dashurit tanë!
E Enjte 13 Maj 2021, 17:05
Dritare.net
Në emisionin e mëngjesit "Sot me Xhesin"në Dritare.tv ishte e ftuar sipërmarrësja Migena Stafa ku foli për iniciativën që kanë krijuar para 5 vjetësh. Kompania ku ajo operon prej kohësh quhet "Asistenca familjare" dhe ka në fokus individin të cilit i vjen në ndihmë familjes që nuk ka kushtet e përshtatshme për kujdesin e anëtarit të familjes. Kjo kompani vjen në ndihmë të shërbimit familjar me një kujdestar familjar gjë të cilën e bën më të lehtë jetesën në harmoni të familjes. Ajo për dritare.net tregoi se asistentja familjare bën punët e përdishshme siç janë pastrimi, hekurosja dhe gatimi. Metodologjia që kjo kompani përdor e bën punën më efikase dhe të thjeshtë në mbarëvajtjen e punës si asistente familjare.
Shërbimet vijnë në ndihmë të fëmijëve apo edhe të të moshuarve duke gjetur dhe kordinuar specifikat e karakterit që ato kanë. Kjo e fundit vlen për ndihmën,shërbimin ndaj të moshuarve. Ajo tregon se asgjë nuk është e lehtë por gjatë kursit përdoren teknika profesionale që arrijnë ta bëjnë jetën e shërbimit të bashkëjetesës familjare sa më produktive dhe cilësore.
Kompania që Migena Stafa posedon arrin të përmbushë kriteret dhe mundesitë e përshtatshme për të gjithë ato familje që kërkojnë asistencë familjare qoftë edhe në qytete të tjera të Shqipërisë, por kjo fazë do të marrë shtrirje edhe më të gjerë në zonat më të thella periferike./dritare.net
