Arrestohet në Tiranë, 29-vjeçari me rrezikshmëri të lartë shoqërore

Policia ka vënë në pranga vlonjatin 29-vjeçar i cili konsiderohet person me rrezikshmëri të lartë shoqërore. 29-vjeçari ishte shpallur në kërkim, për veprat penale “Vrasje me paramendim e mbetur në tentativë” dhe “Mbajtja pa leje e armëve luftarake dhe municioneve”.

“Finalizohet operacioni policor “Befasia”, për kapjen e një personi me rrezikshmëri shoqërore. Operacioni nga Komisariati i Policisë Nr.1.

Kapet dhe ndalohet një shtetas i shpallur në kërkim për “Vrasje me paramendim e mbetur në tentativë” dhe “Armëmbajtje pa leje”.

Specialistët për Hetimin e Krimit në Komisariatin e Polcisië Nr.1 në bazë të informacioneve të marra në rrugë operative se një person në kërkim nga Vlora fshihej në një pallat në lagjen “Ali Demi” dhe falë një pune të mirëorganizuar në bashkëpunim me Patrullat e Përgjithshme të këtij Komisariati, zhvilluan dhe finalizuan operacionin policor të koduar “Befasia”.

Si rezultat i operacionit në orët e vona të mbrëmjes së djeshme u bë e mundur kapja e personit në kërkim:

– T. M., 29 vjeç, lindur në Vlorë dhe banues në Vlorë.

Ky shtetas ishte shpallur në kërkim, pasi Prokuroria pranë Gjykatës së Apelit Vlorë më datë 18.09.2018 ka dërguar urdhërin për ekzekutimin e vendimit penal të Gjylkatës së Apelit Vlorë, e cila ka vendosur masën e sigurisë nga “Arrest në shtëpi” në atë me “Arrest me burg” për veprat penale “Vrasje me paramendim e mbetur në tentativë” dhe “Mbajtja pa leje e armëve luftarake dhe municioneve”.

U njoftua Drejtoria Vendore e Policisë Vlorë për ndjekjen e mëtejshme të procedurave.“,- njofton policia./K.C/dritare.net

LEXO DHE :  Video/ U heq patentën 135 shoferëve, Policia e Shtetit: Vajza dhe djem, limitoni etjen për shpejtësi!

Për t’u bërë pjesë e grupit "Dritare.net" mjafton të klikoni: JOIN GROUP

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.