Miss Universe 2019, një vajzë me ngjyrë: Bota, nuk i vlerësoi kurrë gratë me lëkurën time

"Jam rritur në një botë, ku gratë, me ngjyrën e lëkurës time, dhe flokët si unë, nuk u vlerësuan kurrë. Sot kjo duhet të ndalë", kështu është shprehur vajza nga Afrika e Jugut, Zozibini Tunzi, e cila rrëmbeu kurorën e Miss Universe. Më shumë se 90 vajza, morën pjesë në garën që u zhvillua të dielën në mbrëmje, në Atlanta të SHBA.

Nuk është vetëm një konkurs bukurie, Miss Universe, mban një peshë të madhe mbi supe, ndaj konkurrentet u pyetën për një sërë temash, si ndryshimi i klimës, protestat në të gjithë botën dhe ndikimi i rrjeteve sociale.

26-vjeçarja Zozibini u pyet se çfarë duhet t'u mësojmë vajzave të reja sot.

"Të udhëheqin", kjo ishte përgjigja e saj. Mesa duket, një përgjigje bindëse, për t'u shpallur Miss Universe./L.F-dritare.net