Kanë kaluar 18 vjet që kur Venera Mustafa, vajza nga Prishtina u shpall Miss Albania. Venera nuk e vazhdoi fushën e modelingut, por vendosi të ndiqte ëndrrën e saj për të qënë stiliste dhe sot ajo ka një markë të saj me qendër në Prishtinë. E ftuar në emisionin “Pasdite në Top Channel” Venera tregoi mbi pasionin e saj dhe koleksionet e veshjeve që ka krijuar që nga viti 2011. Madje ajo është shumë e njohur në Kosovë për koleksionin e saj “Ë”. Siç sqaron edhe Venera, ajo ka vendosur t’i vejë këtë emër pikërisht sepse shkronja “ë” nuk përdoret shumë. Venera tregoi se është dëshira e saj për të mos qenë shumë e pranishme në media, por për të folur përmes punës.
