Presidenti i Republikës së Shqipërisë, Ilir Meta, ka bërë publike listën e 6 aplikantëve të rinj, për të plotësuar vakancën e parakohshme në Gjykatën Kushtetuese, pas përfundimit të mandatit të Besnik Imerajt.
Pas përfundimit të afatit të rishpalljes për aplikim për këtë vend vakant rezulton se për këtë vakancë kanë aplikuar dhe kanë shprehur interesin shtetasit e mëposhtëm: Dedë Kasneci, Envi Hicka, Prelë Martini, Shaqir Hasanaj, Vasil Bendo, Vjosa Bodo Mujo.
Lista e aplikantëve të mësipërm, së bashku me dokumentacionin e dorëzuar prej tyre do t’i përcillet menjëherë Këshillit të Emërimeve në Drejtësi me qëllim që ky organ të revokojë/shfuqizojë Vendimin nr.137, datë 21.09.2019 të pezullimit të procedurës së verifikimit, si dhe vijimin e procesit për verifikimin dhe vlerësimin e të gjitha kandidaturave për plotësimin e këtij vendi vakant, sipas ligjit./E.B-dritare.net
