Na ndiqni edhe në

Ngjarjet e Ditës

Meta i dorëzon Manjës informacionin sekret për djegien e Kuvendit

Meta i dorëzon Manjës informacionin sekret për djegien e Kuvendit

Kur Presidenti Ilir Meta doli para Komisionit Hetimor për të dhënë sqarime në lidhje me zhdekretimin e datës së zgjedhjeve lokale, tha se kishte marrë një informacion sekret se një grup njerëzish kishin planifikuar të digjnin godinën e Kuvendit, në protestën e opozitës, atë të 8 qershorit.

Sot, këtë informacion, Presidenti Meta ia ka vënë në dispozicion kreut të Komisionit Hetimor, Ulsi Manjës.

Manja konfirmoi se materiali i është vënë në dispozicion nga Presidenca dhe deputetët e Komisionit do të njihen nëse kanë nivelin e duhur të certifikatës së sigurisë.

“Më 13 shtator ka përfunduar proceduara e plotë e vënies në dispozicion të këtij materiali nga ana e Presidentit dhe që do të jetë pjesë e dokumentacionit që kolegët e komisionit, në përputhje me ligjin me “informacionin e klasifikuar shtetëror”, do të njihen dhe do të bëhen pjesë e diskutimit të seancës ku do të shqyrtojmë dokumentet e institucioneve”, tha Manja./E.B-dritare.net