Pse nuk duhet ta përflisni fëmijën që urinon në gjumë!
E Enjte 5 Shtator 2024, 21:09
Dritare.net
Nga Lira Gjika
Urinimi në gjumë ose Enurezis Nocturn
“90% -të e fëmijëve që urinojnë natën ndihen shumë keq. Çdo njëri nga ata mendon se i ndodh vetëm atij.”
Urinimi në gjumë konsiderohet normal deri në moshën 5 vjeç, përpara kësaj moshe nuk rekomandohet asnjë lloj trajtimi. Megjithatë ka autorë që e caktojnë moshën 8 vjeç si kufiri normal të urinimit natën.
Disa këshilla të thjeshta:
1. Prindi duhet të kontrollojë shqetësimin apo bezdinë që i shkakton kjo situatë. Të përfolurit, në familje me gjyshërit, kushërinjtë apo me miqt e afër, për këtë shqetësim është shumë i dëmshëm për vetë fëmijën që e përjeton. Gjithashtu edhe më i dëmshëm është etiketimi apo vënia në sedër sidomos nga ndonjë vëlla apo motër e vogël. Nga gjitha këto mënyra nuk fitohët asnjë gjë e mirë, përkundrazi gjëndja rëndohet.
2. Një masë lehtësuese është përdorimi i mbrojtseve të dyshekut.
3. Fëmija që urinon natën në gjumë, nuk duhet kufizuar nga lëngjet, nga frika e urinimit. Fëmija duhet të pijë 6-7 gota me lëngje në ditë, pasi kjo influencon pozitivisht në mësimin e fshikzës me sasi të lartë lëngjes, gjë e cila është shumë e rëndësishme, për të fituar kontrollin sfinkterial apo të fshikzës.
4. Gjatë mbasdites duhet të evitoni ti jepni fëmijës, lëngje të tilla si portokalli, limoni, mandarin, lengje me gaz, coca-cola, çaj, si dhe çokollatë. Lëngjet e cituar më lartë sëbashku me çokollatën janë stimulues të fuqishëm të veshkave, për prodhim të shtuar të urinës.
Pak statistikë:
5-7 milionë fëmijë urinojnë natën në gjumë, pra nuk është një gjë e rrallë. Në këtë grup fëmijësh 2/3 e tyre janë djem dhe 1/3 vajza.
Pas moshës 5 vjeç, 15% e fëmijëve vazhdojnë të urinojnë natën në gjumë.
Në moshën 10 vjeç, 95% e fëmijëve nuk urinojnë më në shtratë.
Përshtatur nga:
“Birth to five” NHS UK
“Bedwetting: The secret problem” Matthew Hoffman, MD./Marrë nga Facebook-u i autores
