Le Iene: Ja çfarë po ndodh me Alvin Berishën që ndodhet në Siri!

Pak ditë më parë emisioni investigativ “Le Iene” në “Italia 1” ka publikuar historinë e Alvin Berishës, 11 vjeçarit shqiptar, i cili është çuar në Siri nga nëna e tij, e cila ka zgjedhur t’i bashkohet grupit ekstremist ISIS, por që vdiq atje pas një sulmi.

Pas përpjekjeve të të atit të tij, Afrimit, dhe emisionit italian “Le Iene” vogëlushi u gjet në një kamp të burgosurisht në pjesën kurde të Sirisë ku jetonin fëmijët dhe gratë e luftëtarëve të ISIS, por që fatkeqësisht nuk mund të shpëtohej prej aty.

Shkak për këtë është bërë mungesa e një përfaqësuesi të ambasadës shqiptare në Siri, që të mund të firmoste garancinë për largimin e tij, ndërsa i kontaktuar nga media italiane ambasadori shqiptar në Turqi Gent Gazheli, në fillim ka premtuar se do të merrej me këtë histori, ndërsa sipas medias italiane më vonë ai e ka lënë , dhe nuk ka hapur më telefonin.

LEXO DHE :  Ligj i ri për portalet, regjistrim me detyrim. Gjoba të rënda për ‘fake news’

I kontaktuar nga Dritare.net, gazetari i emisionit “Le Iene” në Itali, Taulant Kopliku ka thënë se : “Deri tani nuk jemi kontaktuar aspak nga autoritetet shqiptare. Shpresojme qe te jene duke punuar ne heshtje. Ndersa per perpjekje, mund te them qe ka shume por gjithmone mbetet te presim. Shpresojme qe jo shume , lutemi.”

Pak ditë më parë edhe Ministri i Jashtëm në detyrë Gent Cakaj, kishte komentuar këtë rast duke thënë se: “Ne jemi të angazhuar maksimalisht dhe po punojmë me gjithë partnerët tanë, por kini parasysh se është një çështje shumë e ndjeshme dhe unë nuk mund të komunikoj për këtë rast,” tha ai./ I.M. J.H-Dritare.net

 

Për t’u bërë pjesë e grupit "Dritare.net" mjafton të klikoni: JOIN GROUP

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.