Na ndiqni edhe në

Ngjarjet e Ditës

Kurti gati të qeverisë me Vjosa Osmanin si ministre e jashtme

Kurti gati të qeverisë me Vjosa Osmanin si ministre e jashtme

Kreu i Lëvizjes Vetëvendosja, i cili pritet të bëhet kryeministër i Kosovës, Albin Kurti, ka thënë  në Opionin se, ekziston mundësia që me krijimin e qeverisë së re Vjosa Osmani të bëhet ministre e Jashtme apo kyetare Kuvendi.

“I takon zonjës Osmani të flasë. Ajo ka dashur që të bëhet kryeministre e Republikës së Kosovës. Tash duhet të shohim planin B. Unë kam pasur bashkëpunim shumë të mirë me zonjën Osmani. Besoj se do të qeverisim mirë bashkë. Ajo ka qenë kryetare e komisionit për punët e jashtme. Nëse shikoni votimet e zonjës Osmani me Serbinë përputhen me Vetëvendosje. Prandaj, kemi një shans të mirë me të. Qoftë si ministre e punëve të Jashtme, qoftë si kryeparlamentare ajo do ta kryente shumë mirë”, tha ai.

Në lidhje me shkarkimin e Hashim Thaçit si Presidnet, Kurti ka thënë se nuk i ka votat e nevojshme, ndërsa shtoi se ai ka pranuar të shkëmbejë territorin me Serbinë.

Si President të ardhëm të Kosovës, për Kurtin, nuk përjashtet mundësia për kreun e LDK-së, Isa Mustafën.

Ne gjithmonë e kemi kërkuar shkarkimin. Nuk kemi ende vota për ta bërë shkarkimin. Problemi më i madh që e kemi me Presidentin, tash të shohim qëndrimin e tij në raport me Serbinë. Ai ka bërë diçka të paimagjinueshme pasi ka pranuar të bëjë shkëmbim territorial me Serbinë. Ai e ka quajtur korrigjim të dhimbshëm të kufijve. Nëse marrim Preshevën dhe Bujanovcin. Unë nuk hyj në pazare me Serbinë për tokën e Kosovës. Ne nuk e konsiderojmë që shqiptarët e Preshevës nuk janë të barabartë me serbët në Veri kur dihet se në këto vise janë strukturat e Serbisë dhe shqiptarët janë autokton, kur dihet se në Veri ka edhe serbë që kanë shkuar nga Rahoveci”, tha Kurti.